A Universidade do Atlántico Medio e o Colexio Oficial da Psicoloxía de Las Palmas organizan as I Xornadas de Psicoloxía Económica de Canarias coa finalidade de ampliar coñecementos sobre a Psicoloxía Económica, o seu rol, achegas e aplicacións nas organizacións, institucións públicas e a sociedade en xeral. Baixo o lema «Psicoloxía e Economía, realidades converxentes. Aplicacións prácticas da Psicoloxía Económica», prestixiosos relatores analizarán as estreitas relacións da Psicoloxía e a Economía, dúas disciplinas converxentes que afectan á realidade das persoas e as organizacións.

A conferencia maxistral, impartida por D. Rafael López Pérez, leva por título «Psicoloxía Económica, Xogos e Personalidade: Un Complemento para a Selección de Persoal». Mergullará aos participantes no fascinante mundo da teoría de xogos e a psicoloxía, introducindo a súa aplicación nos procesos de recrutamento e selección de persoal.

A xornada celebrarase en modalidade híbrida o xoves 18 de xaneiro de 2024, de 10:00 a 15:00h (horario peninsular). A participación é gratuíta, polo que a Sección de Psicoloxía do Traballo e das Organizacións do Colexio Oficial de Psicoloxía de Galicia convida a todas as persoas interesadas a participar neste evento enriquecedor que abordará temas cruciais na práctica profesional.

Para máis información sobre o programa e inscricións, pode consultarse a seguinte ligazón: https://www.coplaspalmas.org/gestor/uploads/formacion/Programa_I_Jornadas_Psicologia_Economica.pdf