O 15 de marzo realizouse o Simulacro Xeral de accidente aéreo no Aeroporto de Santiago baixo o suposto de accidente dunha aeronave comercial con destino a Málaga durante a manobra de despegue. A Dirección Xeral de Emerxencias e Interior activou o PLATERGA en NIVEL 2 e tamén o Plan de Atención a Vítimas e Familiares.

Ademais dos propios medios do aeroporto, mobilizáronse efectivos da Policía Nacional, Guardia Civil, 061, Bombeiros de Santiago, Bombeiros de Arzúa, Policía Local de Santiago, GIPCE, Cruz Vermella, Imelga, Protección Civil de Santiago, Protección Civil de Boqueixón e GALI.

Nesta ocasión participaron 9 integrantes do GIPCE: 4 GIPCE-COPG e 5 GI-112. Puideron participar nas catro salas activadas dentro do aeroporto para a atención de familiares e vítimas do accidente segundo estipula o seu Plan de Emerxencia: Sala de pasaxe ilesa ou ferida leve, Sala de familiares de pasaxe, Sala de tripulación ilesa ou ferida leve e Sala de familiares de pasaxe.