O Artigo 29 do noso Código Deontolóxico advirte que non nos debemos “prestar a situacións confusas nas que o noso papel sexa equívoco ou confuso”, algo que ocorre con relativa frecuencia no transcurso do noso traballo: atendemos a un familiar (amigo, veciño, fillo do noso xefe, …) co que imos comer o domingo, facemos un informe pericial a un paciente ao que estamos a atender a nivel clínico e que nolo pide para presentar nun xuízo que vai ter pola custodia do seu fillo. A APA (Asociación da Psicoloxía Americana) fálanos de tres situacións que poden resultar comprometidas para o psicólogo: cando o psicólogo está nunha relación profesional cunha persoa e ao mesmo tempo está noutro rol con esa mesma persoa; cando ao mesmo tempo está nunha relación cunha persoa cercanamente asociada ou relacionada coa persoa coa que mantén unha relación profesional; ou hai risco de que no futuro se de outra relación coa persoa coa cal mantén a relación profesional, ou con outra achegada ou relacionada con ela.
Isto é o que, en definitiva, denomínase “relacións duais” que van afectar ao noso traballo e que nos fan incorrer en erros deontolóxicos e éticos e aínda que moitas veces atopámonos con que non é fácil “sortealas” é moi importante aprender a evitalas xa que entrar nelas afecta, á toma de decisións, obxectividade e interfere na propia eficacia das intervencións. Igualmente, o Meta-código da EFPA (1995; 2005) é claro nese sentido e recoméndanos.
- Tomar conciencia de os posibles problemas que poden resultar do establecemento de relacións duais.
- Evitar todas aquelas relacións que reduzan a distancia profesional necesaria ou que poidan conducir a un conflito de intereses ou á explotación dun cliente.
- Non aproveitar a relación profesional en favor de intereses persoais, relixiosos, ideolóxicos, políticos ou outros.
- Manter a responsabilidade profesional aínda despois de finalizar a relación profesional.