Este 13 de maio, a coordinadora do Grupo de Intervención Psicolóxica en Catástrofes e Emerxencias do COPG, Ana Mª Núñez Rubines, mantivo unha xuntanza co responsable autonómico de emerxencias de Cruz Vermella, Daniel Fernández Sanjurjo e coa responsable da ERIE Psicosocial, Lucía Otero.
A finalidade desta reunión foi a aproximación entre ambos grupos para lograr unha mellor coordinación naquelas situacións críticas de emerxencia nas que coincidimos. Para iso abordáronse temáticas e propuxéronse diversas actividades formativas que poidan promover un mellor coñecemento das funcións e dos integrantes de cada grupo.
