Na web de DE FRONTE podes atopar todos os recursos pedagóxicos desenvolvidos para traballar co alumnado as novas formas de violencia machista nos espazos dixitais.

Atoparás unidades didácticas, un xogo interactivo en liña e outros materiais complementarios para abordar temas como a manosfera, os modelos de masculinidade e feminidade dixital, as ciberviolencias de xénero e o impacto da intelixencia artificial, con propostas pensadas para facilitar a reflexión e o pensamento crítico entre adolescentes e mocidade.

Son recursos gratuítos que podes utilizar no teu centro educativo, tanto para traballar directamente na aula como para complementar actividades de sensibilización e prevención.

Consulta e descarga todos os materiais aquí:

Contidos pedagóxicos de DE FRONTE

Tamén podes acceder a todas as conferencias impartidas por persoas expertas nas materias na nosa canle de YouTube.

Porque para previr as violencias machistas tamén precisamos aprender a identificalas alí onde se están producindo: nas redes, nas pantallas e nas novas formas de relación dixital.