José Mª Freire

O conflito bélico de Ucraína está provocando o desprazamento da súa poboación cara o noso país en busca de condicións de seguridade. Ante esta situación os e as profesionais de saúde mental precisamos ter habilidades e recursos que nos permitan previr, protexer, promover e restablecer a saúde mental das persoas desprazadas co fin de restaurar o seu benestar psicosocial.

Momento do curso

Coa finalidade de adquirir habilidades e coñecer recursos, o 30 de abril organizouse desde o Grupo de Intervención Psicolóxica en Catástrofes e Emerxencias o curso «Saúde mental e apoio psicosocial en contextos de axuda humanitaria», impartido por José María Freire Duro, psicólogo experto en psicoloxía de catástrofes e emerxencias e delegado de saúde mental e apoio psicosocial no Comité Internacional da Cruz Vermella (Suiza), e Masha Asieieva, de orixe ucraína, mediadora intercultural en Ecos do Sur e estudante de socioloxía na Unviersidade da Coruña.