O pasado 19 de xullo fíxose a presentación pública da Estratexia de Seguridade Vial 2030 no auditorio de ABANCA en Santiago de Compostela, por parte da Delegación do Goberno e autoridades asistentes que o Ministerio de Interior e a DGT a través do Observatorio de Seguridad Viaria están presentando por todas as Comunidades co obxecto de implicar a toda a sociedade.
Momento da presentación da Estratexia Plan Seguridade Viaria
Interviron na presentación Mª Victoria Gómez, Xefa Provincial de Tráfico de A Coruña; Álvaro Gómez, Xefe do Observatorio Nacional de Seguridad Vial; Alberto Varela, Presidente da Federación Galega de Municipios (FEGAM); Ethel Vázquez, Conselleira de Infraestruturas e Mobilidade da Xunta de Galicia; e José Miñones, Delegado do Goberno; ademais do resto de xefes de tráfico das outras provincias, Garda Civil de Tráfico, alcaldes e Policías Locais de varias cidades de Galicia, asociacións de vítimas, representantes da Federación de Autoescolas e o Colexio Oficial de Psicoloxía de Galicia, así como outras autoridades e representantes da sociedade galega implicadas coa seguridade viaria.
A Estratexia Española da Seguridade Viaria 2030 pretende consolidar unha cultura da mobilidade segura para avanzar cara a visión 0 en 2050.
Co obxectivo de integrar e coordinar as políticas de seguridade viaria con outras políticas medioambientais, etc, de cara a reducir nun 50 % o número de persoas falecidas e feridas graves de cara a 2030 a través dun enfoque de sistema seguro, cunha nova visión sobre a orixe e prevención dos sinistros viais no que administracións, poderes públicos, empresas, organizacións e centros de recoñecemento comparten a responsabilidade de previr os sinistros para evitar que os erros humanos sigan provocando máis mortes e feridos graves.
Os Centros de Recoñecemento a Condutores deben asegura as condicións psicofísicas axeitadas dos/as condutores, operar cos máximos niveis de calidade e actuar a través do consello sanitario particularmente no referido aos riscos para a condución asociados a determinadas enfermidades e ao consumo de medicamentos. Ca posta en marcha da nova actualización do Protocolo dos Centros de Recoñecemento a Condutores os e as profesionais da psicoloxía debemos sumarnos á Estratexia 2030 e realmente conseguir colocar ás persoas no centro.
