José Luis Domínguez Rey

– José Luis Domínguez Rey, membro da Xunta Directiva da División de Psicoloxía do Traballo, das Organizacións e Recursos Humanos (PTORH) do Consejo General de la Psicología, asistiu á xuntanza da mencionada división celebrada en Madrid o 16 de setembro.

José Berdullas Barreiro

– José Berdullas Barreiro, vogal da Xunta de Goberno e coordinador coa Sección de Psicoloxía e Saúde do COPG, e Xacobe Abel García Fernández, presidente desta Sección, participaron o 21 de setembro nunha xuntanza co Servizo de Saúde Mental para abordar medidas de intervención para os traballadores e traballadoras do Servizo Galego de Saúde (SERGAS).

Mª Rosa Álvarez Prada

A decana do COPG, Mª Rosa Álvarez, informa:

– Xunto con Alejandra Isabel Fernández Rodríguez, secretaria do COPG, asistiíu ao 5º Congresso da Ordem dos Psicólogos Portugueses «O tempo da Psicoloxía, celebrado en Aveiro entre o 28 e o 30 de setembro.

– O Colexio Oficial de Psicoloxía de Galicia adheriuse á carta sobre Os dereitos das persoas maiores, impulsado desde a Sociedade Galega de Xerontoloxía e Xeriatría (SGXX), con motivo do día 1 de outubro Día Internacional das Persoas Maiores.

– Desde o Colexio Oficial de Psicoloxía de Galicia emitiuse un manifesto con motivo do Día Mundial da Saúde Mental, que se conmemorou o 10 de outubro, no que desde o Colexio reclamamos unha atención psicolóxica accesible e garantida na rede pública. Pódese consultar o manifesto completo na páxina web do COPG.

– O COPG asinou a Acta da Comisión de seguimendo da Subdirección Xeral de Planificación e Protección Civil da Dirección Xeral de Emerxencias e Interior da Xunta de Galicia, para tramitar a adenda do convenio do Grupo de Intervención Psicolóxica en Catástrofes e Emerxencias (GIPCE).

– Asistiu a reunión o pasado 7 de outubro do Pleno do Consello Social da Universidade de Santiago de Compostela, do que forma parte representando a Unión Profesional de Galicia, celebrada en Santiago de Compostela.

– Manuela del Palacio García, presidenta da Sección de Psicoloxía Educativa do Colexio Oficial de Psicoloxía de Galicia, asistiu á reunión da Área de Psicoloxía Educativa do Consejo General de la Psicología de España, celebrada na sede do COPG en Santiago de Compostela o pasado 2 de outubro, ao abeiro das I Xornadas Galegas de Psicoloxía Educativa «Psicoloxía Educativa, sempre emocionando».

Reunión da Área de Psicoloxía Educativa do Consejo General de la Psicología na sede do COPG

– María Villarino González, secretaria da Sección de Psicoloxía e Saúde do Colexio Oficial de Psicoloxía de Galicia, acudiu á unha xuntanza da Área de Psicoloxía Clínica e Saúde do Consejo General de la Psicología, celebrada en Madrid o 8 de outubro.

Ana Mª Núñez Rubines

– A coordinadora do Grupo de Intervención Psicolóxica en Catástrofes e Emerxencias (GIPCE) do Colexio Oficial de Psicoloxía de Galicia, Ana Mª Núñez Rubines, mantivo unha xuntanza o 23 de setembro co Servizo de Saúde Mental do SERGAS para revisar o Protocolo de actuación no ámbito educativo e sanitario ante o risco de suicidio na infancia e na adolescencia.  Ana Mª Núñez  asistiu á presentación deste documento, elaborado desde a Consellería de Sanidade da Xunta de Galicia, e celebrada en Santiago de Compostela o pasado 10 de outubro con motivo do Día Mundial da Saúde Mental.