A decana do COPG, Mª Rosa Álvarez Prada,
![Mª Rosa Álvarez Prada](https://circular.copgalicia.gal/wp-content/uploads/2022/11/M_ROSA_ALVAREZ_PRADA-150x150.jpg)
Mª Rosa Álvarez Prada
– Asistiu, os días 21 e 22 de outubro en Madrid, á xuntanza da Xunta de Goberno e a Xunta de Goberno Extraordinaria do Consejo General de la Psicología e tamén a reunión de Psicofundación, Fundación para promover o desenvolvemento científico e profesional da psicoloxía no ámbito español creada polo Consejo General de la Psicología.
– Participou en representación do Consejo General de la Psicología, á reunión en modalidade online do Grupo de Traballo de Igualdade de Xénero, celebrada o pasado 8 de novembro.
– Asistiu, xunto coa coordinadora do Grupo de Intervención Psicolóxica en Catástrofes e Emerxencias (GIPCE) do COPG, Ana Mª Núñez Rubines, ás Xornadas Iberoamericanas de Psicoloxía, organizadas pola Red Iberoamericana de Psicología en Emergencias (RIPE), que se celebraron en formato online o 21 de novembro.
-Informa de que o Colexio Oficial de Psicoloxía de Galicia presentou un recurso de resposición fronte o Concello de Burela en relación ás titulacións académicas requiridas para poder aspirar ao posto de Técnico/a de orientación laboral ofertado deste Concello.
![Mª Begoña Castro Iglesias](https://circular.copgalicia.gal/wp-content/uploads/2022/11/BEGONA_CASTRO_IGLESIAS-150x150.jpg)
Mª Begoña Castro Iglesias
– Begoña Castro Iglesias, tesoureira da Xunta Directiva da Sección de Psicoloxía Educativa do COPG, participou na mesa de traballo sobre educación e sanidade do I Foro de Identidades e Disidencias Sexuais de Galicia, que se celebrou en Santiago de Compostela o 19 de outubro.
![María Dolores González Fernández](https://circular.copgalicia.gal/wp-content/uploads/2022/03/9_M_DOLORES_GONZALEZ-1-150x150.jpg)
María Dolores González Fernández
-A membro da División de Psicoloxía da Actividade Física e do Deporte do Consejo General de la Psicología, María Dolores González Fernández, asistiu á reunión desta Área e ás VII Xornadas Nacionais de Psicoloxía do Deporte: avances profesionais, celebradas en Madrid os días 21 e 22 de outubro.
![Hipólito Puente Carracedo](https://circular.copgalicia.gal/wp-content/uploads/2022/03/10_HIPOLITO_PUENTE-150x150.jpg)
Hipólito Puente Carracedo
– O vicedecano do COPG, Hipólito Puente Carracedo, xunto coa coordinadora do Grupo de Tráfico e da Seguridade do COPG, Eva Muíño Gómez, participou nunha xuntanza coa Fiscalía de Seguridade Viaria en Galicia, Paula Grau López, celebrada en Vigo o 25 de outubro.
![Carlos Montes Piñeiro](https://circular.copgalicia.gal/wp-content/uploads/2022/06/CARLOS_MONTES_PINEIRO-150x150.jpg)
Carlos Montes Piñeiro
– O 26 de outubro, Carlos Montes Piñeiro, presidente da Sección de Psicoloxía do Traballo e das Organizacións, asistiu ao Foro empresarial de Galicia pola igualdade, organizado pola Confederación de Empresarios de Pontevedra (CEP).
– O membro do Grupo de Traballo de Psicoloxía do Envellecemento da Sección de Psicoloxía da Intervención Social do COPG, Pedro Santamaría Gargamala, participou no Focus Grup dun proxecto de análise e diagnóstico das condicións de vida das persoas maiores do Concello de Vigo celebrado nesa mesma cidade o 26 de outubro.
– A representante do Consello Sectorial de Inclusión Social do Concello de A Coruña, Mª Leonor Galiana Caballero, asistiu á sesión ordinaria deste consello o día 27 de outubro na Coruña.
– O 21 de novembro, a colexiada Sagrario Ferreira Pernas, asistiu como representante no Consello Municipal de Saúde do Concello de Monforte de Lemos.
![Ana Mª Núñez Rubines](https://circular.copgalicia.gal/wp-content/uploads/2022/11/ANA_NUNEZ-150x150.jpg)
Ana Mª Núñez Rubines
Ana Mª Núñez Rubines, coordinadora do GIPCE do Colexio Oficial de Psicoloxía de Galicia,
– Participou na reunión da Área de Intervención en Psicoloxía das Emerxencias e Catástrofes do Consejo General de la Psicología o 5 de novembro celebrada en Madrid.
– Asistíu á presentación do Proxecto «Un intruso no meu cerebro», posto en marcha pola entidade Lar e subvencionado pola Xunta de Galicia, para a loita contra a estigma das enfermidades mentais na mocidade. Celebrouse na Consellería de Sanidade da Xunta de Galicia o 25 de novembro.
![Mª Leonor Galiana Caballero](https://circular.copgalicia.gal/wp-content/uploads/2022/01/leonor-galiana-caballero-150x150.png)
Mª Leonor Galiana Caballero
– A presidenta da Sección de Psicoloxía da Intervención Social do COPG e representante da Área de Psicoloxía da Intervención Social do Consejo General de la Psicología, Mª Leonor Galiana Caballero, asistiu en Madrid á xuntanza da Área o 11 de novembro.
-Xacobe Abel Fernández García, presidente da Sección de Psicoloxía e Saúde do COPG e representante da Área de Neuropsicoloxía Clínica do Consejo General de la Psicología, asistiu a xuntanza desta Área, celebrada en Madrid o 12 de novembro.
![José Luis Domínguez Rey](https://circular.copgalicia.gal/wp-content/uploads/2022/10/Jose-Luis-Dominguez-150x150.jpg)
José Luis Domínguez Rey
-O vogal da Sección de Psicoloxía do Traballo e das Organizacións do COPG e suplente na Área de Psicoloxía do Traballo e das Organizacións e Recursos Humanos (PTORH) do Consejo General de la Psicología, participou o pasado 18 de novembro na reunión desta Área celebrada en Madrid. Ademais, participou nunha xornada técnica sobre a xestión de persoas e asistiu á reunión institucional da Xunta Directiva da División de PTORH, co obxectivo de perfilar plans de actuación da División.
![Mª Dolores Seijo Martínez](https://circular.copgalicia.gal/wp-content/uploads/2022/09/Dolores-Seijo-150x150.jpg)
Mª Dolores Seijo Martínez
– A presidenta da Sección de Psicoloxía Xurídica do COPG e representante na División de Psicoloxía Xurídica do Consejo General de la Psicología, Mª Dolores Seijo Martínez, participou na xuntanza da División o pasado 26 de novembro en Madrid.
– O colexiado Andres Sampayo Salgueiro, G-3314, recibiu o pasado fin de semana un recoñecemento a súa labor por parte da Federación Española de Asociaciones de Psicoterapeutas e do Colegio Oficial de la Psicología de Madrid.
Por un lado foi galardoado co Premio Nacional FEAP 2022, premio ao mellor traballo de investigación e desenvolvemento da psicoterapia, co seu traballo «Repensando o TDAH». O fallo foi comunicado no marco do IV Congreso Nacional de Psicoterapia FEAP celebrado en Bilbao os días 3, 4 e 5 de novembro.
Por outra banda, o Colegio Oficial de la Psicología de Madrid concedeulle o terceiro posto na V Edición do seu Certame de Relato Breve «Dale un giro a tu vida» coa obra «La caída». Pódese consultar o texto no seguinte enlace.
![Entrega do premio FEAP a Andrés Sampayo](https://circular.copgalicia.gal/wp-content/uploads/2022/11/Entrega_premio_FEZP_Andres_Sampayo-1-e1669118072419-290x300.jpg)
Entrega do premio FEAP a Andrés Sampayo
![Entrega do premio do V certame breve do COP Madrid a Andrés Sampayo](https://circular.copgalicia.gal/wp-content/uploads/2022/11/Entrega_premio_V_certame_breve_COP_Madrid_Andres_Sampayo-e1669117653469-262x300.jpg)
Entrega do premio do V certame breve do COP Madrid a Andrés Sampayo