O GIPCE está contemplado dentro do grupo sanitario dos Plans de Emerxencias Exteriores daquelas empresas galegas que están obrigadas a ter dito plan, polo que ante unha emerxencia declarada dentro destas empresas o GIPCE sería activado para intervir dentro do dispositivo profesional de atención á emerxencia.

O 28 de maio participamos nun simulacro da empresa GASIB-Sociedade Ibérica de Gas Licuado S.L.U en Maside (Ourense), baixo o suposto dunha fuga de gas con risco de deflagración con activación do nivel 2 do Platerga. Este suceso implica a evacuación da poboación máis próxima e o confinamento dos cidadáns en zonas limítrofes. Desde o GIPCE participaron 4 psicólogas/os (dous veteranos do grupo de intervención GI-112 e dúas psicólogas do grupo de formación GIPCE-COPG) para intervir coas persoas afectadas por esta emerxencia.