Este 1 de decembro, a Decana do Colexio Oficial de Psicoloxía de Galicia, Mª Rosa Álvarez Prada, asistiu á firma dos acordos do Programa de Axuda a Deportistas (PROADE) no Centro Galego de Tecnificación Deportiva, presentado pola Xunta de Galicia.

O programa de axuda ao deportista consistirá na prestación de servizos de asesoramento psicolóxico, que levarán a cabo aqueles psicólogos e psicólogas colexiados do COPG que acrediten as competencias necesarias. As sesións contratadas pola Fundación Deporte Gallego son 250 anuais (un máximo de catro sesións ao ano por deportista de alto nivel).

Ao acto de formalización dos acordos acudiron tamén o vicepresidente primeiro e conselleiro de Presidencia, Xustiza e Deportes, Diego Calvo; a Consellería de Promoción de Emprego e Igualdade; as tres universidades galegas (representadas polos reitores Julio Abalde, A Coruña; Manuel Reigosa, Vigo, e o vicerreitor de profesorado de Santiago de Compostela, Ernesto González); o secretario xeral para o Deporte, José Ramón Lete Lasa, e o delegado territorial da Xunta en Pontevedra, Agustín Reguera.