O pasado 3 de outubro, o Colexio Oficial de Psicoloxía de Galicia participou no acto de apertura do VI Congreso Internacional da Sociedade Científica Española de Psicoloxía Social (SCEPS), que tivo lugar en Santiago de Compostela. Este evento, que congregou profesionais e investigadores do ámbito da psicoloxía social, ofreceu unha plataforma para o intercambio de coñecementos e experiencias sobre os últimos avances neste ámbito.

A decana do Colexio Oficial de Psicoloxía de Galicia, Mª Rosa Álvarez Prada, participou na inauguración do Congreso, destacando a importancia do papel da Psicoloxía Social á hora de loitar contra problemas como a violencia de xénero e a discriminación e o racismo, que lastran o desenvolvemento humano e destacando o impacto que pode ter a Psicoloxía Social para mellorar o benestar colectivo, para transformar os coñecementos en accións concretas que melloren a vida das persoas e das nosas comunidades

Durante o congreso, abordáronse temas clave para a psicoloxía social actual, incluíndo o impacto dos contextos sociais no benestar psicolóxico e os novos desafíos que enfronta a sociedade.