Entre setembro de 2021 ata xuño de 2022, «Falamos», o Ciclo de Experiencias Compartidas do COPG, acolleu un total de 10 webinars con presentacións dos colexiados e colexiadas no que presentaron libros, programas e outras accións que desenvolven na súa práctica profesional.
A partir de setembro continuará este espazo que a Vogalía de Formación do Colexio Oficial de Psicoloxía de Galicia puxo en marcha en abril de 2021 para compartir aprendizaxes e experiencias entre os compañeiros e compañeiras do COPG, que servise como un punto de encontro para a profesión.
«Falamos, ciclo de experiencias compartidas do COPG» ofrece un webinar con carácter mensual, o primeiro xoves de cada mes, no que se poden presentar programas, estudos, investigacións, publicacións, casos clínicos, comunicacións… A intención é dar máis visibilidade ao traballo que realizan as persoas colexiadas e que o Colexio sirva como plataforma para impulsar e amplificar o labor dos psicólogos e psicólogas en Galicia.
-
- 8/4/2021, «Presentación do estudo sobre a relación terapéutica e o impacto das medidas da COVID-19», por Elisabet Hermida García (g-4082) e Rosana Rodríguez Gómez.
- 6/05/2021, «A supervisión-intervisión na práctica profesional en psicoloxía», por Natalia Seijo Ameneiros (G-2322)
- 3/6/2021, «CoidarNos: programa de apoio a persoas coidadoras de familiares en situación de dependencia», por Yolanda Neira Cristobo (G-5514) e Ana Anta Fernández
- 16/09/2021, «Vulnerables», por Jorge García Fernández (G-2042)
- 7/10/2021, «Presentación do libro “Libre: Manual para la comprensión y el tratamiento psicológico integral de los efectos de la violencia de género en las mujeres”, por Dolores Mosquera Barral (G-2552)
- 4/11/2021, «Dúbidas éticas habituais na práctica da psicoloxía», por Katia Rolán González (G-4809).
- 2/12/2021, «A evolución do Grupo de Intervención Psicolóxica en Catástrofes e Emerxencias (GIPCE) do COPG», por Mª del Carmen González Hermo (G-3100).
- 13/01/2022, «Presentación do libro Superar una adicción en cinco etapas«, por Maximino Portela Freire (G-1653).
- 3/02/2022, «Achegas do COPG para a intervención psicolóxica en educación fronte as emerxencias e a COVID-19», por Olegaria Mosqueda Bueno.
- 3/03/2022, «Presentación do Grupo de Traballo de Trastornos Adictivos: Quiénes somos, de dónde venimos, a dónde vamos?», por María Carou López (G-1933) e Gerardo Sabio Fernández (G-3718).
- 7/04/2022, «Programas psicoeducativos en compaixón», por Ana Isabel Martínez Arranz (G-2573), Teresa Vilanova Villar (G-5801), Berta Fernández Méndez (G-2563).
- 5/05/2022, «Estado da Psicoloxía das artes escénicas no noso país», por Mª Teresa González Mallo (G-3125) (aprazado ao 16 de xuño).
- 2/06/2022, «Presentación do libro Ser adolescente. ¿Transición o destino?«, por Ricardo Fandiño Pascual (G-1955) e Vanessa Rodríguez Pousada (G-5845)
Os vídeos están dispoñibles na web http://falamos.copgalicia.gal
Podes descargar as bases para participar e o formulario para presentar a túa solicitude se desexas compartir unha presentación.
