A Universidade de Santiago de Compostela e a Secretaría Xeral para o Deporte da Xunta de Galicia organizan o IV Congreso Internacional sobre Fútbol, Innovación e Psicoloxía, que se celebrará os días 9, 10 e 11 de xullo de 2025 na Facultade de Psicoloxía da USC.

O evento conta coa colaboración de diversas entidades deportivas e académicas, entre elas a Federación Española de Psicoloxía do Deporte, a Real Federación Galega de Fútbol, o RC Celta, a Fundación Celta, o R.C. Deportivo da Coruña, o Colexio Oficial de Psicoloxía de Galicia, o Racing Club de Ferrol, a Federación Galega de Psicoloxía da Actividade Física e o Deporte, o C.D. Lugo, o Ourense C.F., a S.D. Compostela e o Victoria Fútbol Club.

O congreso ten como propósito transferir ao entorno futbolístico o coñecemento científico xerado na universidade, fomentar a innovación e o emprendemento, e promover valores sociais e deportivos como o respecto, a empatía e a solidariedade. Está orientado a adestradores, futbolistas, árbitros, directivos, pais e nais, afeccionados, estudantes, psicólogos, preparadores físicos, educadores, analistas, investigadores e outros profesionais vencellados ao deporte.

Podes ver máis información: https://www.usc.gal/es/congreso/2025-futpsic