Seccións

I XORNADAS GALEGAS DE PSICOLOXÍA EDUCATIVA “PSICOLOXÍA EDUCATIVA, SEMPRE EMOCIONANDO”
I Xornadas Galegas de Psicoloxía Educativa: Psicoloxía Educativa, sempre emocionando

As I Xornadas Galegas de Psicoloxía Educativa “Psicoloxía Educativa, sempre emocionando” celebráronse o pasado 30 de setembro e 1 de outubro na Facultade de Psicoloxía da Universidade de Santiago de Compostela, organizadas polo Colexio Oficial de Psicoloxía de Galicia.

Desde o Concello de Santiago de Compostela, ofrecéusenos unha recepción oficial por parte da corporación municipal, con quen analizamos a situación tan crítica que viven moitos menores nos centros educativos: suicidios, autolesións, desmotivación, acoso, adiccións.

Recepción no Concello de Santiago de Compostela

Recepción no Concello de Santiago de Compostela

Recepción no Concello de Santiago de Compostela

Recepción no Concello de Santiago de Compostela

 

 

 

 

 

 

 

 

Participantes no acto inaugural

Participantes no acto inaugural

O acto inaugural foi presidido por Antonio López Díaz, reitor da Universidade de Santiago de Compostela (USC); Francisco Santolaya Ochando, presidente do Consejo General de la Psicología de España, Judith Fernández novoa, directora xeral de Ordenación e Innovación Educativa da Xunta de Galicia; Gumersindo Guinarte Cabada, concelleiro responsable de Presidencia, Relacións Institucionais e Turismo do Concello de Santiago de Compostela, e Mª Rosa Álvarez Prada, decana do Colexio Oficial de Psicoloxía de Galicia.

 

 

As xornadas constituíron un espazo de reflexión e intercambio de coñecementos e experiencias de profesionais da Psicoloxía Educativa. Foron moitos e complexos temas tratados por expertos como Ángel M. Carracedo Álvarez, catedrático, investigador e experto internacional en xenética, quen nos falou das súas últimas investigacións.  Pilar Calvo Pascual, coordinadora da División de Psicoloxía Educativa do Consejo General de la Psicología e decana do COP La Rioja, impartiu a conferencia inaugural “Sen saúde psicolóxica non hai oportunidades educativas”. Escoitamos a Hipólito Puente Carracedo, doutor en Psicoloxía Educativa e vicedecano do COP Galicia coa súa conferencia “O camiño invisible da desmotivación escolar”. A conferencia do profesor da Facultade de Psicoloxía da USC, Antonio Rial Boubeta, proporcionounos datos rigurosos do estudo sobre “Tecnoloxía en novas adiccións na infancia e adolescencia: saúde, convivencia e responsabilidade social”. Dous simposios sobre o peso que cobran as emocións na  toma de decisións (Carolina Tinajero Vacas, Noelia Guerra Ferreiroa e Florentina Rivadulla Taboada) e a educación emocional e sexual (Belén Montesa Lou, Penélope Alonso Vázquez e Ianire Estébanez Vázquez) aportáronnos coñecementos de grande calidade expositiva. Rematamos con catro obradoiros impartidos por expertos en temas de emocións e mediación (Ana Mª Ulloa Lage), apoio emocional na escola ao alumnado de espectro autista (Marlene Horna Castiñeiras), atención psicolóxica ante incidentes críticos en centros educativos (Olegaria Mosqueda Bueno e Concepción López Martín) e pílulas de supervivencia emocional para psicólogos/as (Carla Teixeira Lago).

Momento da xornada

Momento da xornada

 

 

 

Acto de clausura

Acto de clausura

O acto de clausura estivo presidido pola decana da Facultade de Psicoloxía da USC, Mª José Sampedro Vizcaya, a coordinadora da División de Psicoloxía Educativa do Consejo General de la  Psicología de España, Pilar Calvo Pascual, e a presidenta do Comité Organizador e da Sección de Psicoloxía Educativa do COP Galicia, Manuela del Palacio García. As conclusións das xornadas, expostas por esta última, definen unha situación complexa e delicada pola que atravesan os menores da nosa sociedade á que debemos dar unha resposta como profesionais da Psicoloxía Educativa a nivel preventivo, diagnóstico e de intervención, solicitando ás distintas administracións e consellerías a necesidade de que todos os centros educativos conten con psicólogos/as educativos/as.

 

 

Membros da Xunta Directiva da División de Psicoloxía Educativa do Consejo General de la Psicología

Membros da Xunta Directiva da División de Psicoloxía Educativa do Consejo General de la Psicología

Comité Organizador das I Xornadas Galegas de Psicoloxía Educativa

Comité Organizador das I Xornadas Galegas de Psicoloxía Educativa

Spread the love
I Xornadas Galegas de Psicoloxía Educativa: Psicoloxía Educativa, sempre emocionando