O 3 de marzo o Colexio Oficial de Psicoloxía de Galicia celebrou o ‘Foro de Empregabilidade, Emprego e Emprendemento en Psicoloxía’ (FORO 3EP), que xurdiu co propósito de crear un espazo innovador onde profesionais, egresadas/os e estudantes de psicoloxía puideron explorar novas oportunidades de carreira, mellorar a súa empregabilidade e fomentar o espírito emprendedor na nosa disciplina.

Esta primeira edición celebrouse o mércores, 13 de marzo de 2024, de 17 a 19 h no Salón de Actos da Facultade de Psicoloxía da USC. A través dun formato 5×15, abordáronse cuestións centrais na orientación profesional e o desenvolvemento de carreira mediante 5 micro-conferencias breves de 15 minutos impartidas por profesionais destacadas na psicoloxía.

«Que facer despois degraduarse?», «Que alternativas hai dispoñibles?», «Como superar un proceso de selección?», ou «Como emprender en psicoloxía?», fóron algunhas das preguntas ás que se tratou de dar resposta.

Ao remate da sesión presencial abriuse un foro virtual de dúbidas, onde as persoas interesadas puideron realizar preguntas específicas e recibir consellos personalizados por parte das colexiadas e colexiados que integran a comunidade profesional do COPG.