Nunha recente entrevista, Guadalupe Oroña Quintáns, presidenta da Sección de Psicoloxía da Intervención Social do COPG, falou de como a inmediatez das festas de Nadal e o marketing asociado a esta tempada están a facernos perder a esencia do outono: moitas persoas viven esta época como un tempo de planificación e preparación para evitar o estrés do Nadal, de tal xeito que o outono convértese nunha transición acelerada entre o verán e o Nadal.

O problema radica en que o outono é percibido, sobre todo en idades adultas, como un período de adaptación: ao centrarnos na seguinte festividade, desconectámonos do que estamos a vivir agora. Sen embargo, explícannos como o tempo parece pasar máis rápido para os adultos, mentres que os nenos experimentan o outono de maneira diferente, coa sensación de que o tempo transcorre máis amodo.

O paso acelerado do tempo está vinculado á nosa idade e ás emocións. Para os adultos, a perda de novidade nos estímulos contribúe a esa sensación de rapidez. Este fenómeno desvincúlanos do presente, proxectándonos constantemente cara ao futuro e alimentando o estrés e a ansiedade.

Podes escoitar a entrevista completa no seguinte enlace.