«Falamos, ciclo de experiencias compartidas do COPG», conta cun espazo propio na web no que xa están compartidos os vídeos dos webinars celebrados no que vai de ano: falamos.copgalicia.gal

Este ciclo é un espazo para compartir aprendizaxes e experiencias entre os colexiados e colexiadas, un punto de encontro para a profesión. Mediante esta iniciativa da Vogalía de Formación, estase a organizar un webinar con carácter mensual no que se poderán presentar programas, estudos, investigacións, publicacións, casos clínicos, comunicacións…

A intención é dar máis visibilidade ao traballo que realizades tantas persoas colexiadas e que o Colexio sirva como plataforma para impulsar e amplificar o voso labor.

Animámoste a que presentes algunha proposta neste foro que está a ter lugar o primeiro xoves de cada mes ás 20:00h.

No que vai de ano celebraronse tres webinars cos seguintes temas:

• O 13 de xaneiro presentouse o libro “Como superar unha adicción en cinco etapas”, presentado por Máximo Portela Freire, psicólogo especialista en psicoloxía clínica, máster en drogodependencias e desde 2001 dirixe a Unidade de Drogodependencias en Cangas (Pontevedra).
• O 3 de febreiro foi a quenda da presentación “Achegas do COPG para a intervención psicolóxica en educación fronte as emerxencias e a COVID-19”, presentada por Olegaria Mosqueda Bueno, psicóloga educativa e membro da Comisión Coordinadora do Grupo de Intervención Psicolóxica en Catástrofes e Emerxencias (GIPE) do COPG.
• O 3 de marzo presentouse o Grupo de Traballo de Trastornos Adictivos da Sección de Psicoloxía e Saúde do COPG “Quienes somos, de dónde venimos, a dónde vamos”. Este grupo de traballo actúa en representación do conxunto de persoas que sosteñen o papel central da Psicoloxía nun modelo de atención integral, biopsicosocial e comunitario que dá respostas asistenciais eficaces ás múltiples dimensión do problema das adiccións. Interviron María Carou López, psicóloga clínica, directora da UMAD Santiago de Compostela e coordinadora do Grupo de Traballo de Trastornos Adictivos da Sección de sicoloxía e Saúde do COPG; e Gerardo Sabio Fernández, psicólogo clínico, maxister en drogodependencias e director de Asfedro Asociación Ferrolana de Drogodependencias.