É habitual que, nas datas do Nadal e Reis Magos, aos/ás pais/nais chegue a supoñerlles un conflito, ou incluso cáseque un desafío, tomar decisións sobre os agasallos para os/as seus fillos e fillas. Certamente, ás veces acontece que ditos agasallos non son os máis axeitados, xa sexa por exceso, porque perpetúan estereotipos, ou porque non corresponden á idade e madurez dos rapaces e rapazas.

Mª Begoña Castro Iglesias

A tesoureira da Xunta Directiva da Sección de Psicoloxía Educativa do COPG, Mª Begoña Castro Iglesias, realizou unha entrevista para a RTVG o pasado 2 de xaneiro, no programa «A Revista», aboradando dito tema dos nenos e nenas hiperagasallados. Nela ofreceu diferentes orientacións dirixidas ás familias, entre as cales poderíanse salientar as seguintes:

– Non dar excesivos agasallos, para que os nenos e nenas poidan desfrutar con máis atención deles.
– Que os agasallos sexan axeitados para a etapa vital na que están, aportando a estimulación precisa para a súa madurez.
– É moito máis importante a calidade que a cantidade de agasallos, entendendo como calidade a súa capacidade de estimular e adestrar aspectos esenciais do desenvolvemento, como diferentes habilidades e capacidades (sociais, afectivas, motrices, etc), así como os valores.

Podes visualizar a entrevista completa no seguinte enlace.