Seguen a chegar novos casos de posible intrusismo profesional que derivan compañeiras e compañeiros colexiados.

Varios deses casos puidéronse pechar logo de ter unha resposta positiva por parte das persoas apercibidas, que accederon a clarificar a súa publicidade ou, no seu caso, incorporáronse como colexiadas do COPG. Desde este espacio queremos agradecerlles a súa boa disposición.

Así mesmo, mandouse o informe semestral á Subdirección Xeral de Inspección, Auditoría e Acreditación de Servizos Sanitarios, con aqueles outros casos considerados da súa competencia e que son susceptibles de actuacións por parte desta autoridade.

Por outra banda, como xa temos salientado, consideramos de suma importancia que as nosas intervencións profesionais se baseen en modelos que posúan rigor e evidencia científica. Neste senso, se cadra, compre facer unha reflexión sobre as moitas correntes psicolóxicas existentes e que non sempre son rigorosas.

Lembra que se consideras que se está a cometer intrusismo profesional na psicoloxía, podes comunicalo ao COPG, aportando todos os datos posibles, para iniciar o estudo correspondente. O COPG actúa de oficio para garantir a confidencialidade dos datos da persoa informante.