Entre os días 16 e 18 de outubro de 2024, a Comisión Intersectorial de Psicoloxía e Deporte do Colexio Oficial de Psicoloxía de Galicia participou no 9º Congreso Iberoamericano de Psicoloxía do Deporte, baixo o lema «Investigación, innovación y aplicación en la Psicología del Deporte Iberoamericana». Este evento reuniu numerosos expertos e profesionais da psicoloxía deportiva, converténdose nun espazo de referencia para o intercambio de coñecementos e novas perspectivas no ámbito da psicoloxía aplicada ao deporte.

O congreso abordou temas clave como a saúde mental dos deportistas, a motivación e o rendemento, a importancia da intervención psicolóxica nas etapas de formación deportiva e a xestión emocional en competicións de alto nivel.