O xoves 26 de marzo tivo lugar na sede do Colexio Oficial de Psicoloxía de Galicia a sesión ordinaria da Asemblea Xeral de Colexiados e Colexiadas do COPG.

Nela aprobáronse a Conta de Resultados do COPG no exercicio 2025 e o Balance de Situación do COPG a 31 de decembro de 2025, así como o informe de auditoría do exercicio económico 2025 e a Memoria de Actividades do Colexio no ano 2025.

Informouse do cese de Inmaculada Casabiell Rodríguez G-01135, vogal da Comisión de Ética e Deontoloxía, por cumprimento de período de pertenza á mesma, segundo os Estatutos do COPG.

Aprobouse a designación de Elena Gutiérrez Palazuelos, G-05682, como nova vogal da Comisión de Ética e Deontoloxía do COPG.

Acordouse tamén destinar o 0,7% do superávit a IGAXES, ONG para o futuro da infancia e a xuventude en risco.