Destacado
Nova edición extraordinaria de FOCAD: Formación Continuada a Distancia para colexiados e colexiadas do COPG

Todas as persoas colexiadas xa poden acceder gratuítamente a formación online a través do programa FOCAD, promovido polo Consejo General de la Psicología que permite facilitar a actualización profesional das psicólogas e psicólogos.

FOCAD ofrece materiais de formación actualizados en diferentes áreas da psicoloxía, con acceso gratuíto para todas as persoas colexiadas e avaliación tipo test.

Desde o 1 de xullo ata o 30 de setembro, tes dispoñibles os seguintes cursos no marco da edición extraordinaria FOCAD:

  • Fundamentos de parentalidade positiva.
  • A mediación interxeracional en conflitos familiares. Estratexias e técnicas de intervención.
  • Psicoloxía do deporte: rendemento, lesións deportivas e «galaxia» de factores influíntes.
  • Influencia das emocións na aprendizaxe e no crecemento persoal.
  • Psicoloxía do traballo e impacto na transformación dixital das organizacións.
  • A conduta suicida. Intervención no ámbito educativo.
  • O sistema Europsy e procesos de supervisión para a certificación Europsy en psicoloxía do traballo e das organizacións (PTO). 2ª Edición actualizada
  • Avaliación psicolóxica e tecnoloxía: claves para unha utilización responsable.
  • Tratamentos psicolóxicos para a intervención temperá en psicose.
  • Familias que contaxian. Medo, resiliencia e esperanza en tempos de pandemia.
  • Autolesións e internet.
  • Abordaxe integral para o envellecemento saudable na discapacidade intelectual.
  • Prevención escolar do consumo de substancias.
  • Intervención psicolóxica e psicosocial a través da actividade físico-deportiva con solicitantes de protección internacional.
  • Introdución á psicoloxía perinatal.
  • Dor crónica: claves para a súa comprensión, avaliación e tratamento.
  • Psicoloxía da intervención social nun contexto de exclusión.
  • Trastornos de personalidade, trauma e disociación estrutural. 2ª Edición actualizada

 

Acceso ao FOCAD

Para acceder ao programa FOCAD, visita a web www.focad.es, onde poderás identificarte a través do teu número de colexiación. Descarga os materiais e realiza o test de avaliación para completar a formación.

Grazas á colexiación, podes continuar formándote e medrando como profesional da psicoloxía.